Pas akuzave të ngritura sot ndaj Presidentit Hashim Thaçi dhe Kryetarit të Partisë Demokratike të Kosovës, Kadri Veseli, ka pasur reagime të shumta nga personazhe të politikës shqiptare dhe jo vetëm.
Së fundmi, Kryetari i Lidhjes Demokratike të Kosovës, Isa Mustafa, përgjatë një konference për mediat, është pyetur nëse kryeministri Avdullah Hoti, do ta anulojë fluturimin për në Shtëpinë e Bardhë, duke u solidarizuar me Presidentin Hashim Thaçi, i cili e anuloi pjesëmarrjen në takimin Kosovë-Serbi.
Mustafa u përgjigj në këtë mënyrë:
“Unë s’mund të jap përgjigje. Kryeministri duhet të vendosë vetë dhe të konsultohet me partnerët”.
“Ne e përkrahim plotësisht Gjykatën Speciale që vepron në mënyrë të pavarur. Por, për LDK-në lufta e UÇK-së ka qenë e drejtë. Luftëtarët e saj kanë luftuar për ta mbrojtur Kosovën, kundër gjenocidit të Serbisë”, vijoi ai.
Kujtojmë së më datën 27 Qershor pritet që në Shtëpinë e Bardhë, në Washington, të zhvillohet takimi historik Kosovë-Serbi.
