PD pritet që të mbajë sot një protestë në Tiranë, ditën kur në kryeqytet kanë zbarkuar liderët evropianë për Samitin BE-Ballkani Perëndimor. Demokratët kanë paralajmëruar se do të mblidhen në bulevardin përpara se të rrethohet zona nga forca të shuma policie, për shkak të sigurisë së liderëve.
Opozita ka kërkuar që të protestojë përpara selisë së qeverisë. Por kjo kërkesë është hedhur poshtë nga policia, sipas së cilës kjo zonë është pjesë e perimetrit të sigurisë për takimin e nivelit të lartë.
Nuk dihet ende se cilin skenar do të ndjekin protestuesit. Që prej mbrëmjes së kaluar janë zhvilluar kontrolle për mbarëvajtjen e samitit BE-Ballkani Perëndimor në Tiranë. Vetë Berisha u ka bërë thirrje qytetarëve që të jenë prezent në protestë, pasi sipas tij, e kanë me detyrim të ngrenë zërin kundër qeverisë.
