Rezart Veleshnja ka hedhur poshtë lajmet që qarkulluan për të se ishte grabitur. Lajmi që qarkullonte në mediat rozë ishte se aktori i mirënjohur kishte rënë pre e një grabitje në mes të Tiranës. Thuhej se ngjarja kishte ndodhur pasi aktori kishte tërhequr disa para në një bankomat, të ndodhur në një zonë mjaft të populluar të Tiranës.
Aktori Veleshnja ka reaguar me anë të një video në rrjetin e tij social Instagram, duke sqaruar se nuk është përfshirë në një incident të tillë.
“Unë nuk di gjë, mbase mund t’i ketë ndodhur ndonjë kolegut tim, po unë s’di gjë për veten time. Megjithatë ku i dihet mbase më kanë grabitur në ëndërr”, dëgjohet të thotë aktori me ironi, duke mohuar të gjitha lajmet.
Në videon e publikuar nga vetë aktori, shihet qartë se ai është në gjendje shumë të mirë shëndetësore, teksa ndodhet në ambientet e punës.
