Kryeministri Edi Rama ka uruar 110-vjetorin e pavarësisë. Kreu i qeverisë ka publikuar në Facebook disa foto me këngëtaren e njohur Dua Lipa, e cila ka marrë nënshtetësinë shqiptare.
Ai njofton se festimet për këtë ditë do të mbyllen me koncertin e Dua Lipës në sheshin “Skënderbej”. Dua Lipa gjendet në Tiranë për festat e nëntorit.
Ajo do të përmbyllë turin e saj botëror “Future Nostalgia” me një koncert falas në sheshin “Skëndërbej”, në 28 nëntor, ditën e pavarësisë. Dua Lipa u betua si shtetasja më e re shqiptare para kryetarit të Bashkisë së Tiranës, Erion Veliaj në një ceremoni të veçantë.
“MIRËMËNGJES
dhe me qytetaren më të re të Shqipërisë, ju uroj të gjithëve gëzuar përvjetorin e 110 të Flamurit të Pavarësisë, këtë ditë të bekuar të kombit tonë që sot do të mbyllet me Duan në Sheshin Skënderbej”, shkruan Rama.
