Artan Hoxha ka qenë i ftuar në emisionin “Të Paekspozuarit” të Ylli Rakipit, ku ka folur për shqiptarët që jetojnë në Dubai dhe investojnë aty qindra milionë dollarë, para të siguruara nga trafiqe dhe krimi i organizuar. Hoxha tha se çdo tentativë e Shqipërisë për të ekstraduar persona që gjenden në Dubai, kanë rezultuar të dështuara. Gazetari tha më tej se shqiptarët e kanë kthyer në parajsë fiskale dhe penale. Po sipas tij, Shqipëria ka tentuar të ekstradojë dhe nuk ka arritur dot. Tentativën e fundit e bëri Belgjika për të ekstraduar një shqiptar, por nuk u arrit.
“Dubai është det dhe shkretëtirë. Nuk prodhon asgjë. Emiri i Abu Dhabit, ka 94% të naftës. Dubai nuk ka as naftë. Nuk ka resurse për zhvillim. Është qytet që importon gjithcka. Në 30 vitet e fundit ka patur investim të jashtëzakonshëm dhe kuptohen nga kanë ardhur paratë. Ka ardhur paraja e të korruptuarve më të mëdhenj.
Shqiptarët e kanë kthyer në parajsë fiskale dhe penale. Deri tani vetëm Italia ka marrë Rafaelon, një nga bosët e mafias. Shqipëria ka tentuar të ekstradojë dhe nuk ka arritur dot. Tentativën e fundit e bëri Belgjika për të ekstraduar një shqiptar, por nuk u arrit.
Këta shqiptarët që janë vendosur në Dubai, asnjëri nuk përdor kartë edhe pse bëjnë pagesa me mijëra dollarë. Të gjithë përdornin kesh me sasi të mëdha. Ajo që më bëri përshtypje, nuk e besoja se mund të kishim narkotrafikantë, të kapnin investime mbi 100 milionë euro.
Vetëm në një rast ishin shtatë persona më 1 miliardë dollarë investime. Shqiptarë këta. Kjo më bëri të kuptoj edhe më mirë, pse kryeministri ynë kërkon amnistinë fiskale dhe të fusë ato para në Shqipëri.
Nuk janë kompani të regjistruara këto. Këto do ti dëgjosh në dekadën e ardhshme. Nuk janë vrasës domosdoshmërisht, janë trafikantë. Kanë bërë trafik nëpër botë dhe punojnë në tre kontinente. Paratë i kanë çuar në Dubai.
Njëri prej tyre në Ekuador më tha, sot kemi dy mundësi. Ose ti çojmë paratë në Dubai, ose ti sjellim në Shqipëri dhe t’jua japim oligarkëve shqiptarë. Nëse u’a japim atyre, ata kontrollojnë drejtësinë, policinë, gjykatën, një ditë të sulin këta dhe ti marrin.
Unë jam që amnistia fiskale të bëhet, sepse ato para janë këtu dhe qarkullojnë gjithsesi. Në momentin që te ne ka patur porosi për vrasje 500 mijë euro, apo edhe më shumë, do të thotë që paraja e zezë është në qarkullim”, deklaroi Hoxha.
