Këngëtari kolumbian Maluma është larguar gjatë një interviste live, pasi gazetari tha se ai mund të akuzohej për përkrahjen e abuzimeve të të drejtave të njeriut nga Katari. Gjatë transmetimit në televizionin publik izraelit, Maluma u pyet nëse ai nuk i kishte problem shkeljet e të drejtave të njeriut në këtë vend, pasi Shakira dhe Dua Lipa refuzuan të merrnin pjesë në Kupën e Botës për këtë arsye.
Gjatë një transmetimi të BBC-së në televizionin publik izraelit, këngëtari 28-vjeçar u pyet: “A nuk keni problem me shkeljet e të drejtave të njeriut në këtë vend?”.
Maluma, emri i vërtetë i të cilit është Juan Luis Londoño Arias, u përgjigj duke thënë se ishte diçka që ai nuk mund ta zgjidhte, dhe se ai ishte vetëm aty për të “shijuar festën e futbollit”.
Pasi u pyet nga gazetari Moav Vardi nëse prania e tij në turne po “ndihmonte në zbardhjen” e shkeljeve të të drejtave të njeriut, këngëtari e quajti gazetarin të pasjellshëm dhe doli jashtë.
Në klipin e intervistës, Maluma pyetet: “Shakira dhe Dua Lipa refuzuan të marrin pjesë në këtë Botëror për shkak të rekordit të keq të Katarit në lidhje me të drejtat e njeriut. Natyrisht që njerëzit mendojnë çfarë, Maluma a nuk keni problem me shkeljet e të drejtave të njeriut në këtë vend?”.
Maluma përgjigjet: “Po, por është diçka që nuk mund ta zgjidh. Unë thjesht erdha këtu për të shijuar jetën, për të shijuar futbollin, festën e futbollit. Nuk është në fakt diçka me të cilën duhet të përfshihem. Unë jam këtu duke shijuar muzikën time dhe jetën e bukur, duke luajtur futboll gjithashtu”.
Më pas Maluma thotë: “Ne nuk e bëjmë këtë”, ndërsa ngrihet për të lënë intervistën dhe e quan gazetarin “të vrazhdë”.
Në përgjigje Vardi pyet: “Jam i pasjellshëm? Pse jam i vrazhdë Maluma? Kjo është ajo që njerëzit thonë, është ajo që mendojnë njerëzit”.
Burimi i lajmit: dailymail. Pershtatur nga Tirana Today
