Einxhel Shkira i ka dalë në mbrojtje Fifit, duke reaguar për bullizmin pas klipit të “BBV” që trazoi rrjetin. Këngëtarja nuk e priti aspak mirë faktin që pjesë e klipit ishte edhe momenti kur asaj i ra të fikët në mes të shtëpisë. Einxhel ka mbajtur anën e Fifit gjatë fjalës së saj në një “live” në Instagram, duke theksuar se ajo ka një kontribut të caktuar në komplet suksesin e asaj që ka ndodhur.
“Ajo ishte e lënduar në lidhje me spotin e fillimit të “Big Brother 2” dhe të jem e sinqertë, edhe unë në momentin që e pashë e konstatova si të panevojshëme pjesën ku transmetohet ajo që i ka ndodhur Fifit.
Nuk mendoj se është e nevojshme të rishihet dhe të rivendoset, ose më saktë nuk është e nevojshme të vihet në promon e një spektakli. Sepse secili nga ne ka pasur momente shumë të bukura aty brenda, dhe një kontribut të caktuar në atë spektakël.
Ka një kontribut të caktuar në komplet suksesin e asaj që ka ndodhur. Dhe ashtu sikur të tjerët, Fifi meriton respektin maksimal nga të gjithë njerëzit për kontributin e saj pozitiv aty brenda dhe për artin e saj.
Siç edhe vetë ajo ishte shprehur, ka bërë muzikë shumë të mirë. Unë e di që Fifi është një person me zemër shumë të madhe, edhe kurrsesi nuk do të mundej t’i bënte keq dikujt”, u shpreh Einxhel.
