Kryetari i Partisë Demokratike, Sali Berisha, ka sfiduar hapur qeverinë Rama, ndërsa theksoi se nëse do të bëjnë një ligj anti-Berishë, hovi dhe vrulli përballë tyre do të rritet. Ai u pyet në konferencën për mediat lidhur me nismën e socialistëve për projektligjin që parashikon lënien jashtë Kuvendit të personave të shpallur “non grata”, si në rastin e tij. Berisha tha se nuk e shqetëson përmbajtja e këtij projektligji.
“Në një tekst që kam parë unë, nuk ekziston por i ftoj ta bëjnë. Ka standarte evropiane të qarta, ka rezoluta për për të gjitha këto. Nëse do bëjnë një ligj anti-Berishë, të provojnë, i siguroj se vrulli dhe hovi vetëm do të rritet. Në draftin e tyre që më kanë sjellë bashkëpunëtorët e mi, ata kanë lustracionin”, tha ish-kryeministri.
