Lideri i Partisë së Lirisë Ilir Meta ka publikuar një video para mesnatës, ku ngre alarmin se Malësia e Tiranës po shkrumbohet nga flakët. Meta, tejet i revoltuar i drejtohet qeverisë që të marrë masat, për të mbrojtur pasuritë publike natyrore. Sipas Metës, kjo situatë është për shkak të papërgjegjshmërisë dhe indiferencës shtetërore. Ai ka kërkuar shtimin e buxhetit, për mbrojtjen nga zjarret.
Ja se çfarë shkruan Meta
QEVERI BOLL I VURE ZJARRIN SHQIPËRISË!
Flakët po shkrumbojnë sonte Malësinë e Tiranës. Pavarësisht zjarreve të shpeshta, asnjë masë për parandalimin e tyre dhe mbrojtjen nga shkatërrimi të pasurive publike natyrore, që digjen për shkak të papërgjegjshmërisë dhe indiferencës shtetërore.
Shtoni buxhetin për mbrojtjen nga zjarret, boll financuat inceneratorët!
I gjithë shteti duhet të ngrihet në këmbë!
