Joe Biden ka zbuluar aksidentalisht një fletë që i jep atij komandat bazë se ku të ulet, dhe çfarë të bëjë gjatë një takimi me drejtuesit e industrisë së erës në Shtëpinë e Bardhë.
Presidenti gabimisht u tregoi fotografëve listën e udhëzimeve; “uluni në vendin tuaj”, “TI jep komente të shkurtra” dhe “Ti largohu”. 79-vjeçari u udhëzua gjithashtu të fliste me të pranishmit, t’u bënte pyetje dhe t’i falenderonte para se të largohej.
Incidenti i së enjtes ishte e fundit në një seri gafash që e kanë përfshirë atë, duke humbur ekuilibrin dhe duke u rrëzuar në publik, si dhe duke thënë atë që nuk duhet.
Ato kanë shkaktuar shqetësime të mëdha për mirëqenien dhe kapacitetin mendor të Presidentit, teksa ai i afrohet të 80-ave, pavarësisht se Shtëpia e Bardhë hodhi poshtë pyetjet mbi shëndetin e tij.
Gjatë takimit me drejtuesit e industrisë së erës në dhomën e Roosevelt në Shtëpinë e Bardhë, Biden tregoi planin me tetë pika se si të sillet me fotografët.
Në vend që t’i referohej “Presidentit” me emër, kushdo që e shkruante shënimin e kishte menduar qartë që ai të ishte vetëm për sytë e presidentit dhe në vend të kësaj i referohej Biden si ‘TI’, me shkronja të zeza dhe të mëdha.
Pasi gazetarët u larguan, Bidenit iu tha të fliste me disa prej të pranishmëve në takim. “JU i bëni Liz Shuler, Presidente, AFL-CIO, një pyetje” dhe më pas “JU falenderoni pjesëmarrësit” dhe “JU largoheni”.
Takimi kaloi pa incidente të mëtejshme, por më pas fotografët kuptuan shpejt atë që kishte zbuluar Presidenti.
Biden ka vazhduar të përdorë shënime të tilla gjatë gjithë Presidencës së tij, dhe ato ndonjëherë i dorëzohen gjatë momenteve shumë publike.
Korrikun e kaluar, një ndihmës i dha atij një shënim ku thuhej: “Zotëri, ka diçka në mjekrën tuaj”. Ai paralajmëroi Presidentin se kishte diçka në fytyrën e tij për afërsisht 10 minutat e para të takimit të tij virtual.
Kishte një pikë të verdhë poshtë gojës, por vazhdoi të fliste. Më pas atij iu dorëzua një shënim, duke e shtyrë atë të fshinte mjekrën dhe të shikonte dorën e tij.
Biden përsëri mbajti shënimin në mënyrë që të ishte në dispozicion për të gjithë reporterët dhe fotografët për ta lexuar. Shënimi ishte i dukshëm vetëm sepse Biden përdori të njëjtën kartë shënimesh për të shkarravitur shënimet gjatë takimit.
Në fillim të këtij viti, Biden u tall për përdorimin e një fletë të printuar me përgjigje për pyetjet e pritshme kur u përball me mediat për të diskutuar luftën në Ukrainë.
Shënimet ishin: “Nëse nuk do të avokonit për ndryshimin e regjimit, çfarë do të thoshit? Mund të sqaroni?’ Një tjetër shkroi: “A po kërcënon tani të prishë unitetin me aleatët tuaj të NATO-s?”.
Biden tashmë kishte një përgjigje të përgatitur në kartën e printuar: “Jo. NATO nuk ka qenë kurrë më e bashkuar”. Ai përdor rregullisht kartat sugjeruese dhe u fotografua shpesh me to gjatë fushatës përpara se të merrte detyrën.
Burimi i lajmit: dailymail. Përshtatur nga Tirana Today
