Një ngjarje e pakëndshme ka ndodhur për presidentin e Federatës Shqiptare të Futbollit, Armand Duka dje në mbrëmje. Gjatë daljes së tij nga stadiumi, makinës së tij i çahet goma, duke i shkaktuar probleme gjatë daljes nga parkimi i stadiumit.
Dje Shqipëria doli pa pikë në sfidën përballë Izraelit të luajtur në shtëpi. Përfaqësuesja kuqezi u mund me përmbysje me shifrat 1-2 dhe komplikon objektivin për të zënë vendin e parë në grupin 2 të Ligës B. Pas një pjese të parë më të mirë të Shqipërisë, golin e avantazhit e shënoi Armando Broja në shtesë nga pika e bardhë e penalltisë. Në pjesën e dytë u pa një Izrael i fortë, që përfitoi në maksimum nga përgjumja e kuqezinjve dhe ia doli të shënojë dy herë.
