Partia Demokratike ka shigjetuar ish-kryeministrin Sali Berisha, duke e fajësuar se po mbron Vangjush Dakon. Akuzat vijnë pasi ish-kryeministri Sali Berisha ka zhvilluar një takim me punonjësit e një fasonerie në zonën e Shkozetit në Durrës, të cilëve u bëri thirrje që të votojnë Ardian Mukën për zgjedhjet në Bashkinë e Durrësit, kandidat i koalicionit “Shtëpia e Lirisë”.
“Logoja që ka rrëmbyer Lul Basha me Edi Ramën është thjesht maskë e pseudopluralizmit dhe e marrëveshjeve të tyre, ndaj dhe të votohet vetëm logoja e Shtëpisë së Lirisë dhe kandidati ynë Ardi Muka”. PD, në reagimin e radhës shkruan se aleanca e “non gratave” synon të dëmtojë këtë forcë për hallin e tyre.
Reagimi i PD
Ditë e re, mashtrim i ri. Non grata vazhdoi avazin, sulmo e mashtro Demokratët dhe mbron Vangjush Dakon.
Aleanca e Non gratave synon të dëmtojë PD për hallin e tyre.
Demokratët e dinë se çdo votë për “Shtëpinë e Ilirit”, ndihmon pazarin e rradhës Meta-Rama. Aleanca e non gratave të shpallura e të pashpallura, nuk do ta mbajnë peng Shqipërinë. Nëse voton Berishën dhe Metën, mban Ramën.
