Presidenti i Turqisë, Recep Tayyip Erdogan, zhvilloi një ditë më parë një vizitë në vendin tonë. Presidenti Erdogan mori pjesë në ceremoninë e inaugurimit të shtëpive të dëmtuara nga tërmeti në Laç, të financuara nga Turqia.
Ai mbërriti në Rinas rreth orës 10:00, ku u prit edhe me ceremoni zyrtare nga kryeministri Edi Rama dhe kabineti qeveritar. Sapo Erdogan ka zbritur nga avioni, është pritur me përqafime nga Rama, ndërsa ceremonia e mikpritjes u mbajt në aeroportin “Nënë Tereza”. Pas kësaj presidenti u nis drejt qytetit të Laçit, aty ku pas fjalimeve iu dorëzuan edhe çelësat familjeve të prekura nga tërmeti, ndërsa presidenti i Turqisë Erdogan lëvizi nëpër Shqipëri me automjete që i kishte marrë nga Turqia. Pas ceremonisë në Laç, presidenti vijoi vizitën e tij në Tiranë, aty u ku u nënshkruan edhe 7 marrëveshje mes qeverisë shqiptare dhe asaj turke.
Gazetari Artan Hoxha, me anë të një mesazhi të nisur Blendi Fevziut teksa transmetohej emisioni “Opinion”, zbuloi detaje për protokollin e sigurisë që presidenti turk Recep Tayip Erdogan kishte gjatë vizitës së tij në vendin tonë. Hoxha shprehej se mbrojtja personale e Erdoganit u bë nga trupat turke, garda, dhe se policia jonë ka mbrojtur vetëm në distancë aktivitetet që janë zhvilluar dhe lëvizjet gjatë qarkullimit të eskortës.
Gazetari shtoi se dhe ushqimi që konsumoi Erdogani në katin e parë në Kryeministri, diku rreth orës 15:40, u kontrollua dhe u miratua nga truprojat turke përpara se të servirej.
“Mbrojtja e afërt e Erdoganit u bë nga garda presidenciale turke dhe nga rojet e tij, është protokoll kudo që ai lëviz. Madje dhe makina që ai lëvizte Erdogani, ishte sjell nga Turqia, nuk ishte makinë e jona e blinduar që përdor shteti shqiptar, pra mbrojtja personale e Erdoganit u bë nga trupat turke, garda dhe policia jonë kanë mbrojtur vetëm në distancë aktivitetet që janë zhvilluar dhe lëvizjet gjatë qarkullimit të eskortës.
Madje dhe ushqimi që konsumoi Erdogani në katin e parë në Kryeministri, diku rreth orës 15:40, u kontrollua dhe u miratua nga truprojat turke përpara se të servirej. Nga Turqia kishte ardhur garda presidenciale, njësia speciale që ruan Erdoganin dhe personeli i shërbimeve sekrete turke. Pra siguria e Erdoganit është mbuluar 100% nga trupat turke gjatë vizitës në Tiranë”.
