Një histori e rëndë përcillet nga Berati, ku tre të mitura janë abuzuar seksualisht. Nga ana e uniformave blu ka nisur hetimi për tre të miturat, të cilat janë në klasë të 3, 7 dhe 8, me dyshimet se janë abuzuar seksualisht. Prindërit e fëmijëve janë me probleme të shëndetit mendor, raporton “Fax News”. Të miturat dhe prindërit e tyre jetojnë në qytetin e Beratit, ku kanë marrë prej disa kohësh një banesë me qera.
Të njëjtat burime shtojnë se një zonjë e cila shtiret sikur iu shërben e kujdeset për familjen, po i shfrytëzon. Për këtë rast, Prokuroria e Beratit ka nisur hetimet e menjëhershme dhe po mbledh prova, ndërsa në hetim është përfshirë edhe Drejtoria Vendore e Policisë.
Zonja në fjalë, identiteti i të cilës nuk bëhet i ditur për shkak të hetimit, dyshohet se është burimi ndërlidhës nga meshkuj në moshë. Ajo është banore e zonës ku jeton familja e të miturave.
Nën drejtimin e Prokurorisë, policia ka nisur hetimet, ndërsa pritet marrja në pyetje e personave që kanë rënë viktimë apo atyre që dyshohet se kanë kryer veprën e rëndë.
