Dje, rreth orës 23:05, në një ndër lagjet më të frekuentuara të kryeqytetit, “Komuna e Parisit” ndodhi një shpërthim automjeti. Bëhet fjalë për mjetin “Range Rover”, që i përkiste qytetares Rezarta Koçi, me profesion notere.
Pse i ishte hequr licensa noteres Koçi?
Një qytetar me inicialet K.G., u ankua se noterja nuk kishte përdorur në mënyrë të rregullt llogaritë bankare, dhe pas hetimit të Ministrisë së Drejtësisë u propozua të pezullohej përgjithmonë noterja Rezarta Koçi, dhe të fillonte procedimi penal ndaj saj. Ankesa e mbërritur me email në Ministrinë e Drejtësisë, bëri që ky institucion të fillonte të hetonte Rezarta Koçin në vitin 2020, duke i hequr licensën këtë vit.
Ministria e Drejtësisë, me urdhër të ish-ministres Etilda Gjonaj vendosi të niste procedim penal dhe të hiqte licensën e Rezarta Koçit. Shkak ishin sjelljet dhe qëndrimet e saj që shkelin besimin e publikut, dhe ulin dukshëm cilësinë e ofrimit të shërbimit të noterisë në vend.
