Çadra nuk duhet t’ju mungojë sot, pasi në vend rikthehen reshjet e shiut. Deri pasdite parashikohet që vendi ynë të jetë më alternime kthjellimesh dhe vranësirash të shpeshta, të cilat herë pas here do të gjenerojnë reshje të pakta shiu.
Ndërsa në orët e vona te mbrëmjes, pritet që vranësirat të shtohen duke sjellë shira me intensitet te ulët dhe mesatar në zona të izoluara.
Temperaturat e ajrit do të vijojnë të rriten në mëngjes, por ulen në mesditë duke luhatur vlerat ditore nga 7°C deri në 23°C.
Era do të fryjë lehtë dhe mesatare me shpejtësi 35 – 40 km/h nga drejtimi Jugor, duke sjell në det dallgëzim 3 – 4 ballë.
