Arditi, një nga personazhet e “Big Brother Vip”, ka bërë një deklaratë të fortë për emisionin “Për’puthen”. Ai ka thënë se ky format krijohet mbi bazën e një skenari, gjë që është mbështetur dhe nga banorët e tjerë që kanë qenë prezentë.
Momenti kur Arditi bëri këtë deklaratë, është publikuar në faqen zyrtare të “Big Brother Vip”, por brenda pak minutash është fshirë. Këto “thashetheme” janë bërë gjatë qëndrimit të tij me Palomën, Ilirin dhe Fifin në një ambient të shtëpisë larg luksit dhe pa pasur mundësinë që të komunikojnë me banorët e tjerë.
Ende nuk e dimë se sa vërtetësi ka komenti i Arditit mbi këtë emision, ndonëse shpesh është aluduar se gjithçka është e ndërtuar në bazë të një skenari.
