Kryeministri Edi Rama pritet që të mbledhë sot qeverinë, ku do diskutohet në lidhje me krizën energjetike dhe paralajmërimin se vendi mund të përballet me rritjen e çmimeve. Mbledhja pritet të fillojë në orën 09:00.
Më tej, kreu i qeverisë do të mbajë një konferencë për mediat, ku do të prezantojë planin për mbrojtjen e qytetarëve dhe biznesit të vogël, nga efekti që mund të ketë një rritje e pakontrolluar e çmimeve.
Në datën 3 tetor, Rama paralajmëroi rritje të çmimit të energjisë, ku tha se e gjithë bota po përballet me një krizë të tillë, dhe se efektet po ndihen edhe te ne. Rama u shpreh se kushtet klimaterike po ndikojnë në këtë krizë energjetike, por situata bëhet edhe më e ashpër kur në lojë futen edhe manovrat tregtare dhe faktorët e tjerë gjeopolitikë.
