Jo vetëm Aldi Rama, por edhe xhaxhai i të ndjerit kishte thyer masën “arrest në shtëpi”. 21-vjeçari kreu krimin tre ditë më parë, teksa ndodhej në “arrest shtëpiak” të vendosur në maj të këtij viti. E ndërsa xhaxhai i tij, Baki Rama ishte lënë nga gjykata në “arrest shtëpie” pasi ishte vënë në pranga 6 muaj më parë për tregti të lëndëve piroteknike.
Por gjatë kontrollit të ushtruar nga policia ditën kur ndërroi jetë Aldi Rama, xhaxhai i tij nuk është gjetur në banesë. Baki Rama ka dalë sot para gjykatës në Durrës, për t’u njohur me masën e sigurisë, ku togat e zeza kanë vendosur “arrest me burg”.
I ndjeri Aldi Rama, qëndroi për disa orë i fshehur në zonën e Kune Vain dhe më pas qëlloi ndaj vetes me një plumb në pjesën anësore të ballit.
