Ndonëse u dorëhoq nga mandati përpara shpalljes së rezultateve, kreu i Partisë Social Demokrate Tom Doshi, u ka bërë thirrje sot ndjekësve në rrjetin social Facebook që të ndjekin faqen zyrtare.
Por çfarë po paralajmëron Doshi me këtë status?
Doshi, pas zgjedhjeve shpalli dorëheqjen e parevokueshme nga mandati i deputetit.
Në një letër drejtuar KQZ-së, ai shkruante se vendimi është i parevokueshëm, ndërsa sqaron se me këtë veprim kërkon të çlirojë energjitë e PSD-së vetëm drejt misionit politik dhe përfaqësimit të qytetarëve, por edhe për të mbrojtur figurën e tij nga lakimi i pavend sipas tij, që i është bërë kohët e fundit.
Në muajin maj 2021, Ambasadorja e SHBA, Yuri Kim, deklaroi se Ambasada Amerikane i ka dhënë informacione Prokurorisë së Përgjithshme për Tom Doshin. Këtë deklaratë ajo e bëri në emisionin “Opinion” në Tv Klan, ku tha se informacionet për Doshin dërguar Prokurorisë janë dhënë përpara zgjedhjeve. Yuri Kim ka kërkuar disa herë mos futjen në Parlament të Tom Doshit. Ky i fundit, në zgjedhjet e 25 Prillit, fitoi mandatin e deputetit por e dorëzoi.
