Inspektoriati Kombëtar i Mbrojtjes së Territorit, do të shembë në Dhërmi një objekt 4-katësh. Ekspertët e IKMT, Policisë se Shtetit dhe Forcat e Xhenios po bëjnë aktualisht vendosjen e eksplozivit, për të kryer më pas shpërthimin e kontrolluar. Kjo ndërtesë është një tjetër rast flagrant i tejkalimit të lejes së ndërtimit.
Shembja e këtij objekti bëhet në kuadër të operacionit “Bregdeti Ynë”, i cili rifilloi dy javë më parë, pas ndërprerjes për shkak të sezonit veror.
Kujtojmë se më herët, Ministri i Brendshëm, Bledi Çuçi, ka thënë se nuk kemi të bëjmë thjesht me një aksion, por me një operacion që do të vazhdojë në të gjithë bregdetin dhe në zona të tjera të vendit, për të liruar çdo hapësirë të zaptuar nga ndërtimet pa leje.
