E hënë, 24 Janar, 2022
3.5 C
Tirana

31-vjeçari që vrau ish-bashkëshorten, kishte mbështjellë armën me peshqir

Gjykata e Fierit ka lënë në burg 31-vjeçarin Elton Metaj, i cili vrau ish-bashkëshorten e tij disa ditë më parë. Gjatë seancës gjyqësore, i pandehuri ka pranuar krimin e rëndë, ndërsa është shfaqur i rënduar nga ana psikologjike në sallën e gjyqit. Elton Metaj e kishte mbështjellë armën me peshqir, ndërsa e ka qëlluar Sabrinën sapo e ka parë.

Disa detaje të rënda janë publikuar në emisionin “Me zemër të hapur” në News24 për natën e së premtes kur ndodhi vrasja. Metaj ka hyrë brenda shtëpisë tre katëshe, dera e së cilës është në rrugën kryesore që lidh Fierin me fshatin Zhupan.

“Përballë shtëpisë ndodhet një arë me misër, dhe dyshohet se autori ka qëndruar i fshehur aty për disa orë, dhe kur janë larguar xhaxhai, vëllai dhe të gjithë burrat, ka hyrë nga dera kryesore, e cila ka qenë e hapur pasi kishte 30 minuta që ishte larguar i vëllai i Sabrinës.
Në korridor të banesës ka dalë kunata shtatzënë, e ka kërcënuar dhe atë. Më pas ka dalë nëna e Sabrinës që i ka kërkuar të largohet. Ai ka vazhduar të kërkojë Sabrinën, dhe kur 23-vjeçarja ka nisur të dalë, e ka qëlluar menjëherë. Trupi i saj është rrokullisur nga shkallët. Shenjat e plumbave janë dhe në katin e e dytë dhe të tretë të banesës. Vajza e vogël po flinte në katin e dytë me gjyshen”, raporton “BalkanWeb”.

Detajet e ngjarjes flasin për një krim me paramendim nga ana e 31-vjeçarit Elton Metaj, i cili ishte divorcuar prej një viti me Sabrina Bengaj, por nuk e pranonte këtë ndarje.

“E kishte mbështjellë armën me peshqir të madh, për të amortizuar zhurmën. Ka dalë nga banesa ku kishte lënë mjetin e tij të ndezur. 10-15 metër më tej, ka hedhur peshqirin dhe është larguar”.

31-vjeçari ka thënë se ishte gjatë gjithë kohës nën presionin e vjehrrit, ndaj mori armën dhe kreu krimin.

“Vjehrri më kërcënonte; më thoshte se do të më vriste. Armën e bleva për vetëmbrojtje. Unë e doja Sabrinën, por isha në presion”.

Vrasja ndodhi katër ditë më parë, në një fshat të Fierit, brenda banesës së babait të 23-vjeçarës së ndjerë, e cila kishte një urdhër-mbrojtje. Bengaj kishte urdhër mbrojtje nga ish-bashkëshorti i saj, por dhe ky urdhër nuk e mbrojti nga ngjarja e rëndë.

- Reklama -

Më shumë nga kategoria




Të fundit

Recitoi mes dëborës/Meta: Vargjet e mia shqetësuan çunat e “Ballkanit të Hapur”

Kreu i Shtetit, Ilir Meta, është pyetur nga gazetarët sot për recitimin që bëri së fundmi në Korçë, ndërsa në qytetin juglindor kishte nisur...

Meta i përgjigjet “dhëmbë për dhëmbë” Ramës

Pa humbur kohë, presidenti Meta i është përgjigjur thumbave të kryeministrit Rama. Presidenti Ilir Meta i ktheu përgjigje deklaratave të Ramës, se më 6...

“Kreu i FSHF”, Meta: Dënoj çdo ndërhyrje të politikës, që synon shantazhimin!

Ndërsa foli për mediat pas homazheve te shtatorja e Ismail Qemalit, në bulevardin Dëshmorët e Kombit, Kreu i Shtetit, Ilir Meta është prononcuar edhe...

U ekzekutua nga një i mitur për hakmarrje, zbardhet ngjarja e rëndë në Lezhë

Një ngjarje e rëndë ka tronditur Lezhën. Një person është qëlluar për vdekje në fshatin Manati. Bëhet me dije se ka ndërruar jetë Lekë...

Prokuroria nis verifikimet për Dukën/Braçe: Ka shuar historinë e futbollit

Prokuroria e Tiranës ka nisur hetimet për presidentin e FSHF-së, Armand Duka. Prokuroria e Tiranës është në fazën fillestare të hetimit, ku po kryen...