Nikollë Lesi ka bërë parashikimet e tij, ndërsa tregon detajet me anë të një analize për qeverinë e re. Sipas tij, dueli Berisha-Basha do të vijojë në bazë, ndërsa ish-kryeministri do jetë i pafuqishëm për të rrëzuar kreun e PD-së.
Ai sqaron se Berisha edhe nëse mbledh firmat me Referendum partiak për të shkarkuar Lulzim Bashën, nuk do t’ia njohë gjykata. Dhe në fund, mazhoranca me ndikimet e saj do ti jap të drejtë Lulzim Bashës.
Duke qendruar në të njëjtën linjë, Nikoll Lesi thotë se ndërkommbëtarët dhe sidomos SHBA-ja, janë të interesuar për një bashkëqeverisje PS-PD. Në tetor krijohet qeveria Rama-Basha, ku Berisha dhe 10 deputetë të PD do bashkohen me LSI-në.
Shkrimi
Edi Rama mori dekret për kryeministër. Do dekretohen edhe ministrat e propozuar nëqoftëse nuk kthen ndonjërin Presidenti Meta. Ndërkohë dueli Basha-Berisha do të vazhdojë në bazë, por duket se Berisha edhe nëse mbledh firmat me Referendum partiak për të shkarkuar Lulzim Bashën, nuk do t’ia njohë gjykata. Mazhoranca me ndikimet e saj do ti jap të drejtë Lulzim Bashës.
Pra Lulzim Basha mbetet kryetar i PD. Berisha mund të marrë diku te 10 deputetë nga grupi parlamentar demokrat dhe do të vazhdojë të denoncojë Qeverinë e re Rama-Basha të fundtetorit të këtij viti. Ndërkommbëtarët dhe sidomos SHBA janë të interesuar për një bashkëqeverisje PS-PD. Preteksti mbetet se vendi nuk ka stabilitet dhe për t’u integruar në BE.
Një argument i pranueshëm! Ndërkohë Opozitë e vertetë do mbetet LSI dhe Berisha me deputetët e tij. Por janë pak, sepse nga 140 deputetë, Opozita do mbetet vetëm me 4 deputetët e LSI dhe 10 deputetët proBerisha. Natyrisht edhe një deputet mjafton për të nxjerrë të palarat e qeverisë. Por prapë Demokracia do rrudhet edhe me tepër. Kjo është skema që po gatuhet fshehurazi. Lulzim Basha do jetë zv/kryeministër dhe Ministër i Jashtëm. Jorida Tabaku ministre Drejtësie. Mundet edhe tre ministri të tjera i merr Basha. Kështu Basha forcohet, pasi ndjekësit e tij do shikojnë interesat e tyre, sepse pushteti është magnet i madh.
Edi Rama mbetet kryeministër.
Ilir Meta vazhdon president, pra nuk shkarkohet.
