Ministrja e sapoemëruar e Bujqësisë, Frida Krifca, i ka kthyer një përgjigje me diplomaci Erion Braçes, pasi ky i fundit ironizoi zyrtarët që pushojnë për shkak të shenjtërimit të Nënë Terezës.
Duke e demostruar me anë të një fotoje, Frida Krifca njofton përmes rrjeteve sociale se ka qenë në një kafe pune me Rektorin e Universitetit Bujqësor të Tiranës, pasi sipas saj, koha për bashkëpunim është flori.
“Kafe pune ne dite pushimi me Rektorin e Universitetit Bujqesor te Tiranes sepse koha per bashkepunim është flori!”, shkruan ajo.
Kjo e hënë është ditë pushimi për administratën që vjen nga shenjtërimi i Nënë Terezës, dhe ky fakt e ka irrituar Braçen, edhe pse kjo ditë ka qenë pushim edhe kur ai ishte zv.kryeministër. Por Frida Krifca, e cila është një nga prurjet e reja të kryeministrit Edi Rama në kabinet, nuk ka qëndruar në heshtje, duke ia kthyer me të njëjtën monedhë Braçes.
