Prej kohësh që u njoh me lajmin se DASH e kishte shpallur atë dhe familjen e tij si të padëshiruar në tokën amerikane, ish-kryeministri Berisha nuk është ndalur me mesazhet e vazhdueshme në rrjetet sociale, për të sulmuar SHBA.
Një ditë më parë, me anë të një mesazhi në Facebook, ai ka përdorur si justifikim tërheqjen e trupave të Shteteve të Bashkuara të Amerikës dhe NATO-s nga Afganistani, ndërsa ka vënë në dukje disa dobësi të aleancës më të madhe ushtarake që ka bota.
Me anë të një videoje nga një vizitë që ai ka zhvilluar në Afganistan në kohën kur ishte kryeministër i Shqipërisë, Berisha shprehet se ëndrra për liri u varros, referuar këtu vendimit të amerikanëve për t’u tërhequr pas 20 vitesh nga Kabuli dhe qytetet e tjera. Ndër të tjera, Berisha është kujdesur t’i dërgojë edhe një mesazh të qartë amerikanëve, duke thënë se në Afganistan triumfoi korrupsioni dhe mesjeta, ç’ka nënkupton se SHBA-ja sipas tij, dështoi.
Statusi
Endrra e madhe per liri e kombit afgan, SHBA, NATO-s dhe krejt botes se lire, pas 20 vite jete u varros ne Afganistan! Triumfoi Korrupsioni dhe Mesjeta! sb
