Gjatë natës kanë ardhur në Shqipëri 154 afganë. Gra e fëmijë, burra, të moshuar, kanë prekur tokën shqiptare në dy fluturime të ndara gjatë orëve të vona të natës, ndërsa janë strehuar në Qytetin Studenti.
Pjesa më e madhe e tyre janë gra dhe zëra të shoqërisë civile, aktivistë dhe studentë. Avioni i parë mbërriti në orën 23:07. Ishte një fluturim direkt nga Kabuli drejt Shqipërisë, ndërsa fluturimi i dytë që mbërriti pas mesnate ishte tranzit në Doha.
Fillimisht afganët janë regjistruar në çadrat e ngritura në Rinas, dhe më pas janë shoqëruar në konviktet në Qytetin Studenti, ku do të strehohen përkohësisht.
Kryeministri Rama ka qenë vetë i pranishëm në Rinas së bashku me ministren e Jashtme Xhaçka, e ambasadoren Yuri Kim, e cila i uroi mirëseardhjen emigrantëve afganë nga bordi i avionit.
Pritet që në vendin tonë të strehohen 4000 afganë, të cilët do të qëndrojnë për 1 vit, deri sa ata të marrin vizën për të udhëtuar në Shtetet e Bashkuara të Amerikës.
Ja se çfarë shkruan Rama në Facebook:
