Ish-kreu i Aleancës Kuq e Zi, Kreshnik Spahiu, ka reaguar pas dorëheqjes së Mark Markut. Largimin e deputetit e lidh ngushtësisht me qëndrimin e shprehur hera-herës së fundmi nga ana e ish-kryeministrit Berisha, për të mos u larguar nga PD-ja.
“Kapiteni plak dhe Titaniku
Pas çdo dorëheqje dhe largim po e kuptoj më mirë shprehjen e Sali Berishës:
“Edhe 1 antarë nëse ngelet në PD, ai do jem unë”
Vertet do mbetesh vetëm, madje vetëm fare fare…
Në fund të oqeanit bashk me barkën e shpuar si peshkaqen. Merre me vehte se nuk i hyn në punë askujt”, shkruan Kreshnik Spahiu.
Këtu ai i referohet një mesazhi të dhënë muaj më parë nga Berisha: “Sikur 1000 të mbesin do të mbetem njëri prej jush, sikur 100 të mbeten do mbetem një prej jush, sikur vetëm një të mbesë do të mbetem njëri prej jush. Rroftë Partia Demokratike”, shprehej Berisha në një video-mesazh nga 25-vjetori i themelimit të Partisë Demokratike.
Mark Marku nuk do të jetë pjesë e Kuvendit të ri. Ai ka dhënë dorëheqjen nga mandati i deputetit, të cilin ia besuan qytetarët e qarkut të Lezhës në zgjedhjet e 25 prillit.
