Dita-ditës po shtohen infektimet. Duket se thirrjet e Ministrisë së Shëndetësisë për të zbatuar masat anti-Covid, kanë shkuar në “vesh të shurdhër” për këtë sezon veror.
Gjatë 24 orëve të fundit janë kryer 3601 testime, nga të cilat kanë rezultuar pozitivë me Covid-19, 132 qytetarë.
Aktualisht janë 642 pacientë aktivë me Covid-19 në të gjithë vendin, e ndërsa në Spitalin Infektiv po marrin trajtim spitalor të specializuar 26 pacientë. Fatmirësisht nuk ka asnjë humbje jete me Sars-Cov2 pozitiv.
Janë shëruar 29 qytetarë gjatë 24 orëve të fundit, duke e çuar numrin e të shëruarve në 130.343 që nga fillimi i epidemisë.
