Zbardhen emrat e personave të arrestuar nga policia pasditen e sotme në Kadastrën e Tiranës, pas hetimeve të zhvilluara nga SPAK.
Panol Nikolla është pezulluar nga detyra si punonjës i hipotekës, dhe është shoqëruar për në ambientet e policisë, pasi për të nuk është prerë fletë arresti, ndërsa masa e sigurisë ”arrest me burg”, është dhënë nga SPAK për shtetasit, Admir Buri, Neritan Balbusha, Gazmend Dije.
Të tre këta persona akuzohen për veprën penale, “Ushtrim ndikimi”. Sipas informacioneve paraprake, bëhet me dije se janë lëshuar 5 urdhër arreste në total, prej të cilëve janë ekzekutuar vetëm tre, ndërkohë që operacioni është ende në zhvillim nga drejtoria e Krimit Ekonomik në Policinë e Shtetit.
Dyshohet se personat për të cilët është lëshuar urdhër ndalimi, kanë falsifikuar dokumente të pronave të ndryshme në këmbim të parave.
