Gjatë orëve të vona të mbrëmjes së djeshme ka rënë pre e grabitjes një supermarket në Peqin, në pronësi të shtetasit A. Spahiu.
Të paktën dy persona me anë të kërcënimit kanë hyrë brenda në supermarket, dhe kanë marrë xhiron ditore të këtij biznesi, afërsisht 60 mijë lekë.
Raportohet se uniformat blu kanë sekuestruar kamerat e sigurisë së biznesit të grabitur, por edhe bizneseve të tjera përreth, për të bërë të mundur identifikimin e autorëve.
