Historia e Babis Anagnostopoulos duket si një telenovelë me shumë seri. Pas dyshimeve të forta se ishte bashkëpunëtor me kartelet e drogës, familjarët e të ndjerës kanë nxjerrë detaje tronditëse.
Vrasësi ka zhvatur familjarët e gruas së tij, madje edhe për funeralin e saj. Dhjetë ditë para se të ndodhte krimi makabër, e ëma e Carolines i kanë dhënë Babis 20 mijë euro.
Për SKAI, avokati i familjes së Carolines, Thanasis Harmanis, ka thënë se autori jo vetëm që kërkoi 2.200 euro për arkivolin, por edhe 2.000 euro për transportin e trupit të Caroline në Alonissos.
“Sa i vërtetë është pretendimi i një njeriu që për 37 ditë detyroi autoritetet të kërkonin 3 grabitës që mbytën nënën e fëmijës së tij dhe qenin e tyre? Regjia mahnitëse, talenti i pashembullt në aktrim”, ka thënë ai.
“Përveç 2.200 euro për arkivolin, shtoni 2.000 euro për transportin e viktimës në Alonissos. Gjithsej 4.200 euro. Sigurisht, nuk përmendet transferta bankare prej 20.000 euro që ai mori”, ka shtuar avokati.
Babai i Caroline është shprehur ditë më parë se nuk e përjashton pistën e implikimit të dhëndrit të tij në aktivitete të paligjshme, konkretisht trafik droge që mund të ketë çuar çiftin drejt debateve, pasi mund të jetë zbuluar nga Caroline.
Sipas gazetës “The Sun”, ka informacione që Babis Anagnostopoulos transportonte drogë në ishujt grekë me helikopter.
