Shfaqja e variantit Delta në Kosovë, ka shtuar frikën për infektime edhe në Shqipëri. Por ministrja Manastirliu konfirmon se deri më tani nuk rezulton asnjë rast me variantin Delta i koronavirusit.
Ministrja e Shëndetësisë, Ogerta Manastirliu u shpreh në Kuvend se nuk duhet ulur vigjilenca, ndërsa ka shtuar se institucionet shëndetësore vijojnë të jenë në alert për këtë variant të ri që rezulton të jetë më i ashpër se varianti normal i koronavirusit.
“Në Shqipëri nuk kemi asnjë rast me variantin Delta. Megjithatë jemi nën alert”, tha Manastirliu.
Nga sot hyjnë në fuqi masat e reja anti-covid, ku qytetarët do të kenë mundësi që të lëvizin një orë më shumë, ndërsa mbyllja do të bëhet nga ora 00:00–06:00.
