Zbardhen detaje të reja në lidhje me vrasjen e 20-vjeçares Caroline në Greqi, nga bashkëshorti i saj, Babis Anagnostopulos. Portali grek TaNea, shkruan se autoritetet kanë kontrolluar thirrjet dhe bisedat në telefonin e pilotit 32-vjeçar, që mund të lidhen me vrasjen, që tronditi Greqinë me javë të tëra.
Nga kontrolli në telefonin e tij, u zbulua se Babis kishte udhëtuar për në Kretë në fillim të muajit prill, kur askush nuk mund të lëvizte për shkak të kufizimeve nga pandemia Covid-19.
Këto fakte të reja kanë ngjallur dyshime tek hetuesit të cilët kanë zbuluar se Babis Anagnostopulos kishte udhëtuar me një grua, identiteti i së cilës nuk është bërë i ditur, për në Souda të Kretës.
Mësohet se aty ai do të merrte një shtëpi me qira po që nuk u realizua, dhe me anë të mesazhve ishte shprehur i mërzitur për këtë fakt. Oficerët e policisë kanë bërë të ditur që zonja ku do të merrej shtëpia me qera do të merret në pyetje, por kjo gjë do të mbahet sekret përkohësisht sa të zbulohen detajetë reja rreth kësaj.
