Deputeti Myslim Murrizi, i cili nuk arriti të fitojë mandatin për legjislaturën e ardhshme në zgjedhjet e 25 prillit, u shpreh i gatshëm për bashkëpunim me Partinë Demokratike dhe çdo subjekt politik të qendrës së djathtë.
Deklarata e Murrizit u bë ditën e sotme në një intervistë për ABC News. Murrizi tha nuk nuk do të bashkëpunojë me Lëvizjen Socialiste për Integrim, teksa shtoi se nuk ka patur komunikim me kryedemokratin Lulzim Basha.
Myslim Murrizi: ”Nuk e konsideroj LSI parti anti komuniste. Mbetem brenda të djathtës. Si mund të jem unë me marksist leninistë. Do të jem në sinkron me ato parti të spektrit politik të qendrës së djathtë. Nga PD dhe çdo parti me qendër të djathë. Nuk kam pasur komunikim me Lulzim Bashën. Luli nuk është pronar i PD. Është kryetari i shtatë. Nuk kam ardhur në PD për asnjë kryetar por si një shqiptarët me mllef në revoltë kundër Ramiz Alisë.
Kush ka qenë në pushtet. Kam reaguar me qëndrim. Politikani nuk matet shumë nga çfarë por nga qëndrimet dhe veprimet e tij. Kur kam mbledhur firmat për partinë kam pasur Arlind Çarçanin, Halit Valterin. Jam i hapur për cilindo nga këta dhe ata që kanë qenë para tyre në cilindo subjekt politik të qendrës së djathtë. Shpresoj që vendimi i Kushtetueses do të jetë i drejtë. Besoj se do të ketë shumë njerëz që do vijnë te Lëvizja Demokratike Shqiptare sepse shohin garë të hapura”.
