Kryeministri Edi Rama do të marrë pjesë në një video-konferencë në 29 qershor, së bashku me Presidentin e Serbisë Aleksandër Vuçiç, dhe kryeministrin e Maqedonisë së Veriut.
Mësohet se fokusi i diskutimit gjatë kësaj video-konferece, do të jetë ”Shengeni Ballkanik”, ndërkohë, Kosova ka refuzuar ftesën për të marrë pjesë në këtë takim. Kosova nuk e njeh shengenin ballkanik dhe nuk ka marrë pjesë në asnjë nga takimet e zhvilluara.
BE nuk hap negociatat me Shqipërinë dhe Maqedoninë e Veriut
Në takimin e fundit të Këshillit për Çështje të Përgjithshme të BE-së në Luksemburg të mbajtur dy ditë më parë, presidenca portugeze ka konstatuar se nuk ekziston konsensus i nevojshëm për të miratuar kornizat negociuese për këto Shqipërinë dhe Maqedoninë e Veriut, si kusht për të hapur negociatat.
Ditën e djeshme, kreyministri Edi Rama zhvilloi një takim në Shkup me homologun e tij maqedonas Zoran Zeav, ku diskutuan vendimin e BE.
Mos hapja e negociatave/ Rama: BE dështoi të mbante premtimin
Edi Rama: ”BE mund të caktojë detyra për integrimin, afate, data por BE nuk cakton dot as vendndodhjen në mes të Europës, as kulturën dhe identitetin europian. Shqipëria e ka bërë zgjedhjen e saj që në kohën e Gjergj Kastriotit dhe e ka konfirmuar në kohën e Rilindjes. Për mua në këtë pikë, kemi një dallim me Zoranin, sepse për mua nuk ka ndodhur asgjë veçse BE ka dështuar të mbajë premtimin dhe të jetë në qëndrimin e duhur. Jeta vazhdon dhe progresi do të vazhdojë me të gjitha forcat sepse nuk është i imponuar nga jashtë por nga brenda nesh. Bashkëpunimi rajonal do të vazhdojë me të gjitha forcat sepse është i rrethuar nga kufijtë e BE. Jemi shumë të vegjël për të pasur ekonomi të forta për të qëndruar të ndarë nga njëri-tjëtri.”
Bllokimi i negociatave/ Zaev: Vendim i padrejtë për Shqipërinë
Zoran Zaev: “Sidomos është e padrejtë karshi Shqipërisë. Është e padrejtë për Shqipërinë dhe është çështje evropiane. Se është vetëm hapi i mëtejshëm drejt BE. E dimë se nesër nuk do jemi anëtare. Do duhen shumë vite. Por ka të bëjë me të mbajtur të motivuar për të vazhduar rrugën nëpërmjet metodologjisë. Ideja është të evropianizojmë dy vendet. Por kjo është ajo që presin prej nesh.”
