Presidenti i Rusisë, Vladimir Putin e ka konsideruar burrë shteti homologun e tij amerikan, Joe Bideen.
Në konferencën për mediat pas takimit me këtë të fundit në Gjenevë, Putin u pyet në lidhje me Biden dhe duke e krahasuar atë me paraardhësin Donald Trump, tha se është shumë ndryshe nga ai, shkruan The Guardian.
“Ai është një burrë shteti me përvojë. Folëm në detaje për dy orë, kjo nuk është diçka që mund ta bësh me shumicën e politikanëve. Ai është shumë ndryshe nga Trump”, tha Putin.
President Putin on his meeting with President Biden: “There was no hostility.”
He adds that the talks were “constructive” and both sides expressed interest in seeking “common ground.” pic.twitter.com/B5pCMT2K4V
— The Recount (@therecount) June 16, 2021
Takimi Biden-Putin, çfarë u diskutua
Putin tha se ai dhe Biden kishin rënë dakord që ambasadorët e dy vendeve, duhet të ktheheshin në postet përkatëse dhe të rinisnin detyrat e tyre diplomatike.
“Ka disa çështje për të cilat nuk kemi rënë dakord. Ramë dakord që ambasadorët të kthehen në poste. Nuk ka patur armiqësi por kemi diferencë pozicionesh.”, tha Putin.
Putin u pyet nëse bisedimet midis tij dhe Joe Biden ishin të natyrës armiqësore.
Kreu i Kremlinit, këmbënguli se bisedimet nuk ishin armiqësore dhe ishin në fakt mjaft konstruktive, me të dy palët që treguan një gatishmëri për të kuptuar njëri-tjetrin, sipas përkthimit të komenteve të Putinit.
Putin shtoi se ai dhe Biden ranë dakord për të “filluar negociatat” për sigurinë kibernetike.
