Përfundon supersfida e grupit F mes Francës dhe Gjermanisë. Gjermania e Lëv tronditet që në fillim të kampionatit europian. Skuadra e Didier Deshamps kaloi në avantazh, në minutën e 20 me autogolin e Humels.
Mbrojtësi dhe kapiteni i Dortmundit devijoi në portën e tij, topin e krosuar nga krahu dhe befason Manuel Nojer.
Në minutën e 44 të pjesës së parë, rikthehet kafshimi në një event madhor të futbollit. Dikur e bëri Suarez ndaj Italisë dhe Kielinit, ndërsa sot ishte radha e fituesit të Champions League, Rudiger.m Mbrojtësi i Gjermanisë, në një moment mbulimi të Pogba, e kafshoi, edhe pse lehtë, në shpinën e tij.
Francezi reagoi dhe u ankua edhe tek arbitri që i kërkoi të vazhdojë lojën…
Në minutën e 65, “gjelat” gjetën golin e dytë me një lëvizje të bukur nga Mbape brenda zonës, pasi me finte befasoi mbrojtësit kundërshtarë…
Por, arbitri e anuloi golin për pozicion të parregullt të sulmuesit të PSG. Menjëherë ndeshja vazhdoi dhe konfirmimi i VAR, erdhi në kufjet e arbitrit kryesor, duke dëshpëruar Francën.
Skuadra e Deshamps ishte e pafat edhe kur goditi shtyllën me Rabiot.
Në minutën e 77, Franca protestoi ashpër te arbitri i ndeshjes për një episod brenda zonës, ku Humels pengoi Mbapen, që ishte nisur drejt portës së Nojer, pasi me vrap arriti të kalonte mbrojtësin e Dortmundit, gjatë një kundërsulmi.
Në pamje të parë u duk sikur preku topin, por nëse shihet nga një tjetër kënd, duket që pengon këmbët e sulmuesit. Francës i anulohet edhe një tjetër gol më pas me VAR, por duket habi se si teknologjia nuk ndërhyn te rasti i penalltisë…
