Një gropë e madhe që u shfaq në fund të majit në një fermë, në Meksikën qendrore, është zgjeruar më shumë se një fushë futbolli. Zgjerimi i gropës solli rrëzimin e dy qenve në thellësitë e saj.
Qeveria e shtetit të Puebla-s tha të enjten se kishte arritur t’i nxirrte dy qentë nga gropa, pas kërkesave emocionale nga adhuruesit e kafshëve për t’i shpëtuar. Ndërsa toka në skajet e gropës vazhdon të rrëshkasë dhe të bjerë në ujë në fund të gropës, u konsiderua shumë e rrezikshme për ditë me radhë tentativa për të shpëtuar kafshët.
Por të enjten një zjarrfikës zbriti në gropë teksa kolegët e tij u panë duke qëndruar më mbrapa duke përdorur litarë dhe një sistem rrotullues për të ngritur kafazet që mbanin dy qentë.
Ndërkohë mësohet se autoritetet kanë ndaluar manovrimin e dronëve mbi gropë./ Tirana Today
