Një fëmijë i mitur i ka vënë zjarrin shtëpisë, teksa ka qenë duke luajtur në kuzhinë. Flakët e zjarrit kanë përfshirë një banesë private 2-katëshe në qytetin e Durrësit. Flakët kanë shkrumbuar katin e dytë të banesës, ndërsa i pari nuk ka dëme.
Flakët e zjarrit kanë djegur banesën e shtetases Nafie Myzyri, ndërsa zjarri dyshohet se është vënë nga një fëmijë i mitur, i cili ka qenë duke luajtur në kuzhinë. Dy zjarrfikës kanë mbërritur në vendngjarje, duke arritur të shuanin flakët, që të mos përhapeshin në katin tjetër të banesës.
Njoftimi i policisë:
Më datë 11.06.2021, në orën 07:15, në lagjen nr.13, Durrës, ka rënë zjarr në banesën e shtetasit R. M., nga e cila nuk ka persona të lënduar.
Shërbimet e zjarrfikëses dhe shërbimet e Policisë në vendngjarje kanë bërë të mundur fikjen e zjarrit.
Vijon puna nga Grupi Hetimor për përcaktimin e shkakut të zjarrit.
