Sekretari i Përgjithshëm i Partisë Socialiste, Taulant Balla do të padisë në gjykatë kryedemokratin Lulzim Basha. Deklarata e Ballës u bë mbrëmjen e sotme në emisionin ”Real Story” në News 24.
Sipas Ballës, Basha ka bërë disa akuza të pavërteta ndaj tij në Elbasan, me qëllim që të marrë vota në zgjedhjet për kreun e PD.
Taulant Balla: ”Nevojat elektorale të PD deri në 13 qershor i dimë të gjithë, janë të lutur që të përdorin arsenalin e sharjeve dhe fyerjeve. Jam duke bërë gati një padi ndaj Bashës për çështje apo akuza të pavërteta që ka hedhur ndaj meje para disa ditësh në Elbasan për nevojat që i duhen atij. PD mund të votojë për Bashën në Elbasan duke më sulmuar mua, skam dyshim. Por le të jetë gjykata që të shprehet për këto akuza.”
