“Kur luaja për Parisin, një ditë bashkë me shokët e tjerë të skuadrës shkuam pas stërvitjes për të ngrënë në një restorant elegant pranë Harkut të Triumfit. Dhe në një moment, Lavezzi thotë: “Po telefonoj njëherë Ancelottin për t’i thënë që të vijë dhe ai”. Ne nuk donim probleme dhe i thamë: “Plak, mos, mos na sill trajnerin k’tu. Je çmendur, do t’na bësh me fjalë”.
Por Laveci, përkundër gjithçkaje, telefonoi Ançelotin dhe i tha: “Ku je? Po hamë në një restorant, eja këtu”.
Kur e mbylli telefonin, menduam që Ancelotti nuk do të vinte, por pas pesëmbëdhjetë minutash ai u duk në restorant. Piu një pije aty me ne dhe na tregoi histori të bukura nga kohët e Milanit. Pas pak, u ngrit dhe na tha: “I’a kalova shumë mirë, por duhet të shkoj në shtëpi. Bëni ç’të doni këtu, por të dielën pres që të luani shkëlqyeshëm.” Na përshëndeti dhe u largua. U pamë me njëri-tjetrin dhe thamë: “Si mund të mos duash të luash për këtë trajner? Duhet të fitojmë shumë për të “.-Tiago Mota
“Nga të gjithë trajnerët që kam kaluar, në dhomën e zhveshjes, Karlo ka qenë padiskutim më i qeti. Ai i mban shqetësimet dhe presionet përbrenda, që ekipi të mbetet i qetë. Dhe fiton e fiton. Edhe ka raste që herë pas here edhe njeriu më i mirë në botë shpërthen. Hera e fundit që ai shpërtheu me të vërtetë ishte në Lugano, pas një humbje miqësore kundër një ekipi të Serisë B në Zvicrër. Dukej i çmendur. Na lloj lloj gjërash, na ofendoi si kafshë. Gjëra të rënda, të papërsëritshme.
Nuk po ndalonte dhe mua më erdhi të qeshja, sepse e kishin lënë pëllumbat: nuk e kisha parë kurrë ashtu. Ishte i gjithi i kuq dhe pranë tij ishte Galliani me kravatë të verdhë: së bashku i ngjanin ylberit. Pas dy ditësh kërkoi falje, sepse ai kurrë nuk e mban inatin deri në fund. Brenda është i ëmbël. Karleto duhet të respektohet gjithmonë dhe në çdo rast.
Për futbollin e bukur që shpreh.
Për mënyrën se si flet me ekipin.
Për mënyrën se si sillet jashtë fushe.
E kanë portretizuar në një mijë mënyra.
Për mua është thjesht një mik.
Një mik buçko ”.-Paolo Maldini
Sot mbush 62 vjeç Karlo Ançeloti. /TIRANA TODAY
