Shkencëtarët në Gjermani pretendojnë se kanë gjetur shkakun e mpiksjeve të gjakut pas vaksinimit me dozat e AstraZeneca dhe Johnson & Johnson.
Rolf Marschalek, një profesor në Universitetin Goethe në Frankfurt, tha se hulumtimi i tij zbulonte se mpiksja e gjakut pas vaksinimit lidhej me vektorët adenovirus që përdorin të dy vaksinat për të dërguar proteinën Spike në trup, shkruan Financial Times.
”Mekanizmi i transmetimit do të thotë që vaksinat dërgojnë proteinën spike në bërthamën qelizore dhe jo në lëngun qelizor (citosol) brenda qelizës ku virusi prodhon normalisht proteina,“ tha Marsalek.
Pasi të jenë brenda bërthamës qelizore, pjesë të proteinave spike ndahen në copa, duke krijuar variacione që nuk mund të ngjiten në membranën qelizore ku zhvillohet procesi i imunizimit.
Në vend të kësaj, proteinat sekretohen nga qelizat dhe shpërndahen në trup, duke shkaktuar mpiksje gjaku në rreth një në 100,000 njerëz, sipas teorisë së Marschalek. Profesori beson se problemi me këto vaksina mund të zgjidhet nëse prodhuesit arrijnë të modifikojnë proteinën Spike.
”J&J tashmë kishte kontaktuar laboratorin e Marschalek për udhëzime të mëtejshme dhe po kërkonte mënyra të reja për të modifikuar vaksinën”, tha profesori.
