Kandidati për Kryetar i Partisë Demokratike, Fatbardh Kadilli ka nisur turin e tij electoral, teksa ditën e sotme ka zhvilluar një takim me anëtarët e qarkut të Beratit.
Gjatë fjalës së tij, Kadilli u shpreh se kryedemorkati Lulzim Basha duhet të kishte dhënë dorëheqjen pas rezultatit të zgjedhjeve të 25 prillit, ku Partia Demorkatike doli humbëse.
Ai tha se nëse do bëhej kryetar i PD-së, nuk do të punojë për t’u bërë kryeministër, por për të nxjerrë këtë force politike fituese në zgjedhjet e ardhshme.
Fatbardh Kadilli: “Basha duhej të kishte dhënë dorëheqjen pas zgjedhjeve të 25 prillit . Unë nëse bëhem kryetar i PD nuk do punoj për t’u bere kryeministër, por për të nxjerrë PD fituese. Kam dalë kandidat për të thënë se ne kemi mundësi të ngremë kokën lart. Në vitin 2015, në zgjedhjet lokale, unë ka drejtuar politikisht të gjithë qarkun e e Beratit dh enë atë projekt ne kemi realizuar numrin më të mirë të votave të PD. Një projekt i mirë që u ndërpre nga Lulzim Basha, por që dua ta nis edhe njëherë po aty, për të treguar që vështirësia më rrit më tepër se çdo mundësi tjetër.
Ky projekt do të jetë fitues sepse nis ekzakt aty ku është më vështirë. Në Berat nuk ka qenë e lehtë, por ja dolëm falë respektit dhe partneritetit me këdo që punonim. Basha duhej të dorëhiqej në mënyrë automatike, ai ka humbur disa herë dhe nuk ka pse ne të vazhdojmë një projekt të shteruar. Duhet të heqim dorë nga ajo politikë që kemi bërë në 30 vjet, partitë janë alternativa, magneti politik ku qytetari afrohet për të gjetur ndryshimin”.
