Rregullatori i mjekësisë në Britaninë e Madhe tha se kishte disa prova se mpiksjet e pazakonta të gjakut të lidhura me vaksinën COVID-19 të AstraZeneca, ndodhin më shumë tek gratë sesa tek burrat, duke shtuar se ndryshimi në incidencë ishte i vogël.
Zyrtarët britanikë më parë kanë thënë vetëm që incidenca e mpiksjes ishte e lidhur me moshën dhe se nuk ishte krijuar një lidhje me seksin, shkruan agjencia e lajmeve, Reuters.
”Tani ka disa prova që shkalla e raportuar e incidencës është më e lartë në femra krahasuar me burrat edhe pse kjo nuk është parë në të gjitha grupmoshat dhe ndryshimi mbetet i vogël.”, tha Agjencia Rregullative e Barnave dhe Produkteve Shëndetësore (MHRA) në azhurnimet e saj javore për mpiksjet.
Disa vende, përfshirë Britaninë, kanë rekomanduar që vetëm njerëzit mbi një moshë të caktuar të marrin dozat.
Në shifrat e fundit javore, MHRA tha që incidenca e rastit e mpiksjeve të rralla dhe ishte 10.5 për milion doza, krahasuar me 9.3 për milion javën e kaluar. Kishte 242 raste të mpiksjes, me 6 që ndodhën pas dozave të dyta.
