Juristi i njohur Kreshnik Spahiu ka komentuar rezultatin paraprak të zgjedhjeve të 25 prillit 2021.
Duke folur për gazetaren Eni Vasili, Spahiu tha se fitorja e PS është e dukshme dhe nuk ulet nën 74 mandate.
Sa për PD ai tha se nuk merr më shumë se 59, ndërsa do “zihet” LSI dhe PSD për një mandat.
Kreshnik Spahiu: ”Prej një viti kemi bërë disa analiza dhe sondazhe, debate, çdo parashikim në ligjeratë të drejtë nuk i hiqet asnjë presje. Nëse nuk do të ishin në një logo, në çdo sondazh PD nuk do kishte asnjë shans për të fituar zgjedhjet. Edhe sikur PS të kalojë 20 mijë vota plus, rezultati nuk e lejon në mandate që të kalojë sipër PD-ja. Ndarja e mandateve sidomos në jug në bastionet e PS nuk prodhojnë për PD.
Në Kukës, Dibër, Lezhë dhe Shkodër janë një plus të PD, fitore të cekëta, ndërsa në qyetete të mëdha PS ka shumë diferencë. A doni ta çoj Elbasanin, do ta çoj Durrësin barazim? Fitoret e thella në Fier dhe Vlorë i japin mandatet Ramës. Unë në 6 të mëngjesit bëra parashikim që mandatet do të ndahen 74 PS, 59 PD, 4 LSI dhe 3 PSD. Këtu diskutohet 5 LSI dhe 2 PSD apo e kundërta. Unë vetëm te ky mandat kam dyshim. Mbi ço metodologji shkencore, nuk bëhet.”
