Ambasadorja e SHBA-ve në vendin tonë, Yuri Kim ka reaguar pas takimit që zhvilloi në selinë e PD-së, me kryedemokratin Lulzim Basha, një ditë para zgjedhjeve.
Ajo u shpreh se takimi i sotëm, është në vazhdën e takimeve që ka pasur në 48 orët e fundit, edhe me Presidentin Ilir Meta, e kryeministrin Edi Rama.
Kim ripërsëriti faktin se SHBA nuk mbështet asnjë parti apo kandidat, por të drejtën e qytetarëve shqiptarë për të votuar lirshëm dhe në paqe.
”Takova kryetarin e Partisë Demokratike, Lulzim Basha sot, njësoj siç jam takuar me Presidentin Ilir Meta dhe kryeministrin Edi Rama në 48 orët e fundit. Ne e përsërisim, Shtetet e Bashkuara nuk mbështesin asnjë parti apo kandidat. Por, ne mbështesim të drejtën e të gjithëve, që qytetarët shqiptarë të votojnë lirshëm dhe në paqe’’, shkruan Kim në rrjetin social, Twitter.
I met DP Chair @lulzimbasha_al today, same as I have met Pres @ilirmetazyrtar & PM @ediramaal in last 48 hrs. We reiterate ?? does not support any party or candidate. But we absolutely support the right of all ?? citizens to vote freely & in peace. pic.twitter.com/G9egTcrMNn
— Ambassador Yuri Kim (@USAmbAlbania) April 24, 2021
