Ndërsa punëtorët me paga të ulëta vazhdojnë përpjekjet e tyre për të rritur pagën minimale në nivel federal në SHBA, disa qytete dhe shtete e kanë bërë tashmë diçka të tillë. Një nga argumentet kryesore kundër pagimit të punëtorëve 15 dollarë në orë, është ndikimi i mundshëm që do të ketë kjo pagë minimale tek bizneset.
Nëse kostot e punës rriten papritmas, bizneset e vogla mund të mos jenë në gjendje që të paguajnë punëtorët e tyre. Dhe nëse njerëzit mbeten befas pa punë, ekspertët druhen se krimi do të rritet bashkë me papunësinë. Tani, një studim i ri pretendon se ky efekt në formën e një orteku dëbore nuk ndodh.
Një studim që analizoi pasojat e rritjes së pagës minimale në Siatëll në15 dollarë ora, zbulon shumë pak ndryshime në nivelin e kriminalitetit dhe papunësisë në qytet. Atëherë, a do të funksiononte për mirë kudo tjetër një masë e tillë?
Studiuesit nga Universiteti i Pensilvanisë thonë se lëvizja e Siatëll, për t’u bërë qyteti i parë amerikan që vendos pagën minimale 15 dollarë në orë, nuk duket se po ndikon në normat e krimit të dhunshëm. Ekipi vëren gjithashtu se kjo rritje nuk duket se po ndikon as negativisht në shifrat lokale të papunësisë.
Siatëll e miratoi këtë politikë midis viteve 2015-2017, duke e rritur gradualisht pagën minimale deri në 15 dollarë. “Studimi ynë tregon se Siatëll e rriti pagën e tij minimale pa e cënuar sigurinë publike, të paktën në një periudhë të shkurtër”- thotë udhëheqësi i studimit Djvid Miter-Beçeril, doktorant në kriminologji në Universitetin e Pensilvanisë.
Studiuesit vërejnë se studimet e mëparshme mbi lidhjen mes rritjes së e pagës minimale, dhe krimit kanë prodhuar rezultate të përziera. Në këtë raport, autorët e studimit krahasuan Siatëllin me 118 qytete të SHBA-së nëpër 18 shtete. Këto qytete nuk i rritën pagat, por kanë norma të ngjashme të krimit me Siatëllin.
Studiuesit u mbështetën tek të dhënat nga Raportet Uniforme të Krimit të FBI-së dhe Departamenti i Policisë së Siatëllit. Megjithëse ngritja e pagave në15 dollarë ora nuk i ndryshoi shkallët e krimeve të dhunshme (si vrasja, sulmi dhe grabitja), numrat për krimet e pronës tregojnë një histori tjetër.
Këto lloj veprash përfshijnë vjedhje me burg, vjedhje të automjeteve dhe vjedhje të automjeteve motorike. Raporti zbulon se vjedhjet ishin rritur me 15-30 për qind gjatë studimit. Shumica e këtyre krimeve janë kryer në ndërtesat tregtare.
Por në përgjithësi studiuesit thonë se kishte pak ndryshim në nivelin e përgjithshëm të krimeve të pronës në Siatëll.
Ndërsa vjedhjet e dyqaneve mund të rriten, studiuesit nuk gjetën një rritje të niveleve të arrestimit. Kjo përfshin të rinjtë, të cilët statistikisht janë nxitësit kryesorë të krimit dhe më shumë të ngjarë nuk ndikohen nga ndryshimet e pagave.
Burimi i lajmit: https://www.studyfinds.org/minimum-wage-crime-unemployment
Përshtatur nga TIRANA TODAY
