Vllaznia rrëmben klasiken në shtesë, Goga qartëson kreun, frymëmarrje e lehtë për Partizanin
Vllaznia fiton, me kohë shtesë, 92-87 në transfertë ndaj Tiranës, në një përballje plot faulla, rivalitet edhe gabime në sulm.
Tirana humb kontrollin e lojës gjatë periodës së dytë, ku lejon Vllazninë të shkëputet, por rikthehet mbas pushimit duke fituar dy periodat e mbetura. Djemtë e Karaj-t, arrijnë shumë pranë fitores 9 sekonda para përfundimit të ndeshjes, por mbas humbjes së gjuajtjeve të lira nga Beqo, ndeshja shkon në shtesë, ku lodhja gjunjëzon Tiranën.
Kështu shkodranët i rrëmbejnë vëndin e tretë kryeqytetasve, duke u vendosur në një pozicion më të rehatshëm në zonën e play-off-it.
Në Durrës, Teuta vendase, e ka të pamundur të përmbajë tridentin Hysenagolli-Blagojevic-Djokovic edhe dorëzohet ndaj Gogës e cila fiton 97-85 .
Pavarësisht ndalesës disa-minutëshe të ndeshjes për shkakë të mos-rrespektimit të masave anti-cov*d, të besuarit e Lazimit mbajtën ritmin e lartë, shfrytëzuan çdo gabim të Teutës, duke e bërë gati të pamundur për Miranoviçin, që ishte më i miri për durrsakët, që të bënte diferencën.
Me këtë fitore Goga mbetet e vetme në krye me 5 fitore në po aq javë duke e bërë të qartë që është e uritur për sukses si në Shqipëri po ashtu edhe në Ligën Unike.
Në përballjen e fundit të tabelës, Partizani vendas arrin një fitore relativisht të lehtë (78-53) me Eagles Basket.
Kapiteni i të kuqve Shahini, spastron ndeshjen i vetëm, duke përfituar edhe nga gabimet e shumta në qarkullimin e topit që shfaq Eagles Basket. Me këtë fitore Partizani mund të veçojë krijojë një diferencë, jetike, në luftën për mbijetesë.
