Izraeli është një ndër vendet e para në botë që mmund t’i kthehet jetës normale, pasi procesi i vaksinimit të popullsisë kundër koronavirusit ka ecur me ritme tepër të shepjta.
Megjithatë, Autoritetet në Tel Aviv kanë menduar një fushatë krejt të veçantë për të shtyrë më tej vaksinimin tek të rinjtë që pak nga pak po i rikthehen jetës së natës.
Ajo quhet “Vaccine bar” dhe nënkupton qendra vaksinimi të ngritura në zonën më të frekuentuar nga të rinjtë, dhe kushdo që vaksinohet kundër koronavirusit e ka birrën falas.
Momentalisht kësaj iniciative i janë bashkuar 7 lokalet më në zë të Izraelit. Të gjithë mund të vaksinohen pa pasur një prenotim deri në mesnatë dhe më pas mund të marrin birra falas.
Aktualisht, në Izrael janë vaksinuar 4.1 milionë banorë me dozën e parë ose ndryshe 45% e popullsisë, ndërsa dozën e dytë e kanë marrë 2.7 milionë banorë.
