Greqia do të mbajë për të paktën edhe dy javë të tjera masat kufizuese me Shqipërinë. Lajmi është bërë i ditur nga Ambasada Greke në Tiranë, e cila thekson se masat kufizuese do të mbeten në fuqi ashtu siç janë aktualisht deri më datë 22 shkurt 2021.
“Në bazë të të dhënave epidemiologjike, masat kufizuese që janë ndërkohë në fuqi për personat që udhëtojnë nga Shqipëria për në Greqi, mbeten në fuqi ashtu siç janë sot, deri në datën 22 shkurt 2021”., informon ambasada.
Masat e vendosura deri më tani:
-Autobusët, makina me targa shqiptare dhe anije e kanë të ndaluar të hyjnë në Greqi.
-Lidhja ajrore bëhet vetëm mes aeroportit “Nënë Tereza” dhe “Venizelos” në Athinë.
-Ndalohet hyrja në Greqi e qytetarëve shqiptarë që duan të vijnë për arsye turistike apo vizite. Ndalohen personat me pasaportë shqiptare, apo me 90 ditorëshin.
-Në Greqi lejohet të hyjnë vetëm personat që kanë leje qëndrimi ose nënshtetësi greke.
-Për të gjithë personat që do hyjnë në Greqi, pavarësisht nënshtetësisë apo mjetit që udhëtojnë (avion, autobus , makinë etj) duhet të plotësojnë 24-48 orë përpara mbërrijtes në Greqi Formularin PLF.
-Për të gjithë personat që do hyjnë në Greqi, pavarësisht nënshtetësisë apo mjetit që udhëtojnë, është e nevojshme të paraqesin Test negativ RT-PCR që duhet të jetë bërë deri në 72 orë përpara nisjes për në Greqi.
-Për të gjithë personat që do hyjnë në Greqi nga Shqipëria pavarësisht nënshtetësisë apo mjetit që udhëtojnë duhet të bëjnë karantinë 7 ditore në shtëpinë e tyre.
-Pikat kufitare do punojnë çdo ditë nga ora 7.00 deri në orën 23.00
-Nga Pika kufitare e Kakavijës do lejohet të kalojnë deri në 750 persona, ndërsa Kapshtica do jetë e mbyllur.
